Vlorë, mbi 30 banesa në Nartë nën ujë, prej më shumë se një muaj

13:38 | 3 Shkurt 2021
Arbresh.info

Më shumë se 30 banesa në fshatin Nartë të Vlorës prej më shumë se një muaj ndodhen nën ujë.

Sipas banorëve të këtij fshati kjo është një situatë e pa ndodhur prej shumë vitesh, ndërsa thonë se edhe pse vizitat e njerëzve të pushtetit dhe të politikës nuk kanë munguar situata është njësoj, e pandryshuar.

Para disa ditësh kamera e televizionit tonë ishte në këtë fshat për te pare nga afër situatën, por sot pas disa ditësh situata nga përmbytjet ka ardhur duke u rënduar, uji rrethon banesat pot ka hyrë dhe në to, ndërkohë qe banorë kanë ditë pa dalë nga shtëpitë pasi janë të izoluar nga uji dhe ndihmohen në përditshmëri nga banorët e tjerë.

Për kryeplakun e fshatit Mihal Thanasko problem qëndron tek hidrovori i cili sipas tyre nga vjetërsia në kohë ka pompa që e kanë humbur fuqinë tërheqëse të ujit.

Banorët janë shpresëhumbur për përmirësimin e situatës ndërsa presin që uji të largohet vetë./TCH

Shpërndaje në rrjete sociale

Lajmet më të lexuara

Të ngjashme

Foto lajm